Hanagay
Áwa Hanagiy a dǝm ga
Kiyi ńkíle aa giɗ ńvanga kileng
Ká, kǝ́ matsazlǝr ngaya
Sǝm ḿbǝzliy matsazlǝr ngaya ńciɗe’e
Páw diy matsazlǝr ngaya aa ríy ngaya
Fáw zlǝmbǝ́ɗ á ńgeɗǝ ga
A dǝm ga : bǝ́zláw matsazlǝr ngaya
Gamaga á ká ngelǝ́ zlazlǝr ádǝɓa’a
Kátá, ká dá tivǝ́ vogwa aa giy áaɓay
Diy watsak, mbeɗew, dasiy gura …
Zheviɗ aa maslakǝ ńgeɗe aapa
Zlazlǝr aa diy ndiy maya kaɓa
Dǝm ga, á ká dá ndíy aa kǝza
Á kǝrǝ meshǝ ga á ḿbahakǝ́ ńnderedáy
Á ńslǝ́ka aa dímish tǝ ńvǝníy gandzavǝr na
mán ḿpatakǝ ngaya á ńkiɗe’e, á ń dá cí habaga’aa dǝɓa
Bǝzláw matsazlǝr ngayi langa gine
Cʉ́ ńhutásl pambiy ngaya aa diy sǝma’a
Á ka liɓeslǝ́ mœdœdǝ ńndziy ngaya
Aa gwadzǝ ńhʉ́yœ́kwœkwe ḿpǝza kec-kecce’e
Slʉɗǝ ríy wándǝr ńfiy vǝ ńfǝtsǝkaka á ndav
Cʉ́ vava ńlʉɓœkwe ń tásla’a
Á ká sǝda ńcekeslǝ ma
Zuɓǝ dzándǝɗ gúmiy ndǝv ngaya
Á ká ngǝla sǝ́rǝk aa tungulǝ na
Ahǝsátá, a Hanagiy a dǝm ga
Ká dá ndǝ́ ngaya á ńwedǝ diy bakiy ngaya
A Hanagiy a dǝm ga
Meshǝ ga dá bahaka : « mámǝ giy ga »
A Hanagiy a dǝm ga
Á dá vakǝ́ fiy ɓókw, ńviy mán á ngwázǝ na
A Hanagiy a dǝm ga
Ká dá ndíy aa mámǝ na
A Hanagiy a dǝm ga.
Á dá bahaka : “Kǝza ga” aa na
Dayi mafa 