Jéjǝ gǝ́ ńzlǝmbáɗǝ nǝ Gejew
Ndu maya, ndu ńhʉyœkwœkwe’e
Jéjǝ ga, á girǝ́ watsak
Aamán á ndíya áaɓay
Aa vǝd pírék, ná aa mǝ ḿpizhe
Á ńciɗǝ sám á gadaye:
»Kǝrǝ ga púzǝ giy daw ngaya
Aa vǝɗ pírék, ká gáw goyiva ɓa »
Mán páts ńnderǝ ndó á slembede
Á ká dza á mezhiɓ ńshekǝ va
Árá ńta, aa dokuɗ ńndzáy
Mán diy á were ásaɓay
Mán ká dá dza’aa páts ngaya
Á ka terǝ́ sukwiy vazazǝ riy ngaya
Ántántǝ ma ɗokwa
Í tǝ ńweɗǝ diy tǝ maɗazliy ga
Ágíɗé mán hwariy á za aa diy gǝ ɓay
Kǝrǝ ga, mbilǝ milzen ń na vǝ ngaya
Ńwufǝ ngaya á dá gíy tárǝ́ nasa
Ká gáw zlaw ɓa, ká gáw hwariy ɓa
Puza, ɓoda á ká tsáw vazaza
Ágídé mán ziy ndu mizlen
Vazazǝ nǝ́nga’a ń da live’e
